ല​ണ്ട​ൻ: കൈ​ര​ളി യു​കെ​യു​ടെ വാ​ർ​ഷി​ക ത്രി​ദി​ന ക്യാ​മ്പ് "ദ്യു​തി 2025' റോ​ക്ക് യു​കെ ഫ്രോ​ന്‍റി​യ​ർ സെ​ന്‍റ​റി​ൽ സ​മാ​പി​ച്ചു. യു​കെ​യു​ടെ വി​വി​ധ മേ​ഖ​ല​ക​ളി​ൽ നി​ന്നു​ള്ള തൊ​ണ്ണൂ​റോ​ളം കൈ​ര​ളി യു​കെ അം​ഗ​ങ്ങ​ൾ നോ​ർ​ത്താം​പ്റ്റ​ണി​ലെ ക്യാ​മ്പ് സൈ​റ്റി​ൽ ഒ​രു​മി​ച്ച് കൂ​ടി വി​വി​ധ വി​ജ്ഞാ​ന, വി​നോ​ദ പ​രി​പാ​ടി​ക​ളി​ൽ പ​ങ്കെ​ടു​ത്തു.

കോ​ർ​ബി - ഈ​സ്റ്റ് നോ​ർ​ത്താം​പ്ട​ൺ​ഷ​യ​ർ പ്ര​ദേ​ശ​ത്തി​ന്‍റെ എം​പി ലി ​ബാ​ര​ൻ കാ​മ്പ് സ​ന്ദ​ർ​ശി​ക്കു​ക​യും കൈ​ര​ളി യു​കെ അം​ഗ​ങ്ങ​ളോ​ട് സം​വ​ദി​ക്കു​ക​യും കു​ടി​യേ​റ്റ - വി​സ നി​യ​മ​ങ്ങ​ളി​ൽ സ​ർ​ക്കാ​രി​ന്‍റെ വ​രാ​ൻ പോ​കു​ന്ന പു​തി​യ ന​യ​ങ്ങ​ളെ കു​റി​ച്ചു​ള്ള ചി​ല സൂ​ച​ന​ക​ൾ അ​ദ്ദേ​ഹം ക്യാ​മ്പ് അം​ഗ​ങ്ങ​ളു​മാ​യി പ​ങ്കു​വ‌​യ്ക്കു​ക​യും ചെ​യ്തു.

ക​ഴി​ഞ്ഞ മാ​സ​ങ്ങ​ളി​ൽ കൈ​ര​ളി യു​കെ യൂ​ണി​റ്റ് ത​ല​ത്തി​ലും ദേ​ശീ​യ​ത​ല​ത്തി​ലും ന​ട​ത്തി​യ പ​രി​പാ​ടി​ക​ൾ എ​ല്ലാം ഉ​ൾ​പ്പെ​ടു​ത്തി പ്ര​സി​ദ്ധീ​ക​രി​ച്ച കൈ​ര​ളി​യു​ടെ പ്ര​ഥ​മ ന്യൂ​സ് ലെ​റ്റ​റി​ന്‍റെ പ്ര​കാ​ശ​ന​വും പ്ര​സ്തു​ത വേ​ദി​യി​ൽ വ​ച്ച് കൈ​ര​ളി​യു​ടെ മു​ൻ ദേ​ശീ​യ സെ​ക്ര​ട്ട​റി കു​ര്യ​ൻ ജേ​ക്ക​ബ് നി​ർ​വ​ഹി​ക്കു​ക​യു​ണ്ടാ​യി.

സു​സ്ഥി​ര വി​ക​സ​ന ജീ​വി​ത​ശൈ​ലി പ​രി​ശീ​ല​ന​ത്തെ​ക്കു​റി​ച്ച് TEDx പ്ര​ഭാ​ഷ​ക​നും യു​എ​ൻ യൂ​ത്ത് ക്ലെ​മ​ന്‍റ് ലീ​ഡ​റു​മാ​യ സ​ഞ്ചു സോ​മ​ൻ ന​യി​ച്ച ക്ലാ​സി​ന് ശേ​ഷം യു​കെ​യി​ലെ ന​മ്മു​ടെ ജീ​വി​ത സാ​ഹ​ച​ര്യ​ങ്ങ​ളു​ടെ പ​രി​ധി​ക​ളി​ൽ നി​ന്ന് കൊ​ണ്ട് പ്ര​സ്തു​ത ആ​ശ​യം എ​ങ്ങ​നെ പ്രാ​വ​ർ​ത്തി​ക​മാ​ക്കാം എ​ന്ന വി​ഷ​യം മു​ൻ​നി​ർ​ത്തി ഗ്രൂ​പ്പ് തി​രി​ഞ്ഞു​ള്ള ക്രി​യാ​ത്മ​ക​മാ​യ ച​ർ​ച്ച​ക​ളും ദ്യു​തി​യു​ടെ വേ​ദി​യി​ൽ ഏ​വ​രു​ടെ​യും ശ്ര​ദ്ധ​യാ​ക​ർ​ഷി​ച്ചു.